#ثقافة_كهربائية
#اعطال المروحة
لو المروحة بقت بتعمل صوت ..السبب شنو ?
السبب غالبا خشتها موية مطرة ..وغالبا الاعطال دي بتكون
عند ناس الريف اكتر ..ناس العرش البلدي
#المهم
لمن تعمل صوت 🔉 المشكلة بتكون في البلي ..عندك حلين ..
الاول تقوم تجيب ليك زيت (مكنة ) من اقرب زول عندو عربية مقدار (حقنة 💉 بس ) تكبوا فوق المروحة جنب العمود عشان ينزل في البلي
وهي معلقة في مكانها
الحل التاني :
.تشوف الرقم المكتوب علي البلي وتشتري واحد زيو وتركبوا
…
طيب لو قبل كدة ما فكيت مروحة خش اليوتيوب… فيديو واحد بكفيك وبعلمك… اكتب بس (كيف افك بلي مروحة )
بالتوفيق للناس البتحب تشتغل بي نفسها ..وللناس
البتهوى شغل الكهرباء…
المرة الجاية نشوف المروحة البتلف بطئي
تحياتي السرمدية
ليست هناك تعليقات:
إرسال تعليق